 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
|
Баляда Ларысы Геніюш
|
|
9.08.1910 – 7.04.1983
|
Воля на чужыне,
На Радзіме краты.
Выбар – невялікі,
Толькі выбар ёсьць.
Вецер сумна вые,
Воўчы цень ля хаты
У зубах трымае,
Згаладалы, косьць.
Зойдзе цень на ганак –
Не кажы нічога.
Добра што на сьвеце
Ёсьць яшчэ сябры.
Сьвечка асьвятляе
І крыжы, і Бога.
Сьвечка сьветла плача,
Сьвечка не гарыць.
А навокал цёмна,
Нібы ў дамавіне.
А навокал цені,
А навокал – сон.
Толькі вецер вые.
Вецер у Айчыне
З могілак узьняты
Крыламі варон.
І пачата споведзь
Прад людзьмі і Богам.
І пачуты словы,
І пачуты крык.
Толькі на Айчыну
Помніцца дарога,
Дзе ў руцэ Айчыны
З дыямэнту цьвік.
1.XII.1993.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
